Hauptmenü
Guggemuusig BARBAROSSA Schlurfer und Binggis
Bisch e Maitli e Bueb oder e Maa, laufsch ammigs bi nere Guuge hindedraa. Drampsch im Glychschritt wie die wo fääge, machsch es au bi Schnee und Rääge.
Bisch am Guggezyschdig in dr Stadt, findsch denn alli Gugge gladd. Wärde Dyni Auge nass, bi jedem Doon vom groosse Bass.
Dringgsch gärn Cola, Bier und Wyy, mechtsch au an dr Fasnacht luschdig sii. Isch unterem Joor Dir s Guggelääbe wichtig, denn bisch Du bi uns grad richtig.
Dr Daag fir Di, dä isch jetzt doo, um ze uns in d’Gugge z’koo. Isch Di Alter zwische 10 und 17 Joor, denn stell Di bi de Binggis voor.
Bisch aber e Maa mit 18 und no mee, denn wänn mir Di bi de Schlurfer gsee. Do kasch e ruigeri Kuugele schiebe, mit hänn s gmietlig und dien nid s ganz Joor iebe.
Nimm s Delifoon es wird kai Flobb, denn unseri Gugge die isch Tobb. Lyt 079/215 96 21aa, und scho isch dr Jügge am andere Aendi draa.
Saag em as De wotsch zu de Barbarossa koo, denn De mechtsch nimm Hinde stoo. Und s näggschti Joor, de wirdsch es gsee, laufsch vorne au bi Rääge und bi Schnee.
Urs